स्पेसटाइम नेटवर्क र च्यानल नेपालका सञ्चालक जमिम राजधानीमै मारिए

सागर पण्डित, २४ माघ भारतविरोधी गतिविधिमा सक्रिय भनेर प्रचारित अर्का नेपाली मुस्लिम जमिम शाहलाई गोली हानी मारिएको छ । उनको हत्यामा अन्तर्राष्ट्रिय आपराधिक सञ्जालको हात रहेको आशंका प्रहरीको छ । भारतीय मिडियाद्वारा भारतविरोधी भनेर प्रचारित मजिद मनिहारलाई यही वर्षको १९ असोजमा नेपालगन्जमा गोली हानी मारिएको थियो । १० पुसमा सौखात बेगलाई बुटवलमा यसैगरी मारिएको थियो । पछिल्लोपटक स्पेसटाइम नेटवर्क र च्यानल नेपालका सञ्चालक जमिम राजधानीमै मारिएका छन् । यसअघि पूर्वमन्त्री तथा तत्कालीन सांसद मिर्जा दिल सादबेगलाई १५ असार ०५५ मा काठमाडौँ सिफलमा यसैगरी मारिएको थियो । पाकिस्तानसँग मिलेर भारतीय नक्कली नोट छापेको आरोप लागेका युनुश अन्सारी अहिले जेलमा छन् । पूर्वदरबार र वर्तमान राष्ट्रपतिभवनबीचको भिआइपी क्षेत्रमा दिनदहाडै गोली हानी जमिमको हत्या भएको छ । तर, हत्या गर्नेको सुइँकोसमेत लागेको छैन । जमिम आइतबार अपराह्न राजधानीको दरबारमार्गस्थित पाँचतारे होटल याक एन्ड यतीबाट आफ्नै निवास पानीपोखरी जाँदै थिए । तर, लाजिम्पाटस्थित प|mेन्च दूतावासको ठीक अगाडि गोली प्रहार भयो, उनी गाडीमै ढले, केहीबेरमा शिक्षण अस्पतालमा डाक्टरहरूले उनलाई मृत घोषित गरे । प्रहरी स्रोतका अनुसार जमिमलाई याक एन्ड यतीको पार्किङबाटै हत्याराहरूले ‘फलो’ गरेका थिए । लाजिम्पाट पुग्नासम्म जमिमको पजेरो अघिअघि र आक्रमणकारीको क्रक्स मोटरसाइकल पछिपछि थियो ।राष्ट्रिय र अन्तर्राष्ट्रिय सञ्जालले मारेको प्रहरी अनुमान “भारतविरोधी” निशानामा १५ असार ०५५ ः पूर्वमन्त्री तथा तत्कालीन सांसद मिर्जा दिल सादबेगलाई काठमाडौँ सिफलमा गोली हानी मारियो १९ असोज ०६६ ः भारतीय मिडियाद्वारा भारतविरोधी भनेर प्रचारित मजिद मनिहारको नेपालगन्जमा गोली हानी हत्या १० पुस ०६६ ः भारतविरोधी भनेरै प्रचारित सौखात बेग बुटवलमा मारिए, उनलाई पनि गोली हानियो १७ पुस ०६६ ः पाकिस्तानसँग मिलेर भारतीय नक्कली नोट छापेको आरोप लागेका युनुश अन्सारी पक्राउ, अहिले जेलमा २४ माघ ०६६ ः च्यानल नेपालका सञ्चालक जमिम शाह राजधानीमै मारिए, दिनदहाडै भिआइपी एरियामा गोली हानेर  लाजिम्पाटको प|mेन्च दूतावासअगाडि पुग्दा ‘ट्राफिक जाम’ भएको थियो । त्यही मौकामा साँघुरो ठाउँबाट मोटरसाइकलले ओभरटेक गरेको थियो । ओभरटेक गर्नासाथ मोटरसाइकल रोकियो, पछाडितिर बसेका यात्रु ओर्लिए, कम्मरबाट पेस्तोल निकालेर ‘फायरिङ’ सुरु गरे । पहिलो गोली गाडीको अघिल्लो सिसा फोरेर जमिमको कञ्चटमा लाग्यो ।

दोस्रो शपथ

उपराष्ट्रपति परमानन्द झाले आइतबार राष्ट्रपति भवनमा आयोजित विशेष समारोहमा राष्ट्रपति रामबरण यादब समक्ष नेपाली र मैथिली भाषामा पद तथा गोपनीयताको शपथ लिनुहुँदै ।

थर र गोत्रको आधारमा नागरिकता दिन निर्देशन

काठमाडौं, माघ २१ व्यवस्थापिका संसदको महिला बालवालिका र समाज कल्याण समितिले दलित समुदायलाई पेशागत आधारमा नभई थर र गोत्रका आधारमा नागरिकता प्रदान गर्न गृह मन्त्रालयलाई निर्देशन दिएको छ।

२०५२ सालमा गृहमन्त्रालयले निर्देशिका बनाई दलित समुदायलाई थर र गोत्रको आधारमा नागरिकता प्रदान गर्न सबै जिल्ला प्रशासन कार्यलयहरुलाई निर्देशन दिएपनि केही जिल्लाहरुमा अझै लागु नभएको भन्दै समितिले यस्तो निर्देशन दिएको हो।समितिले बुधवार गृह मन्त्रालयलाई दिएको निर्देशनमा कतिपय जिल्लाहरुमा थर गोत्रको आधारमा दलित समुदायले नागरिकता नपाएको गुनासो आएकोले त्यसलाई व्यवहारिक रुपमा कार्यन्वयन गर्ने व्यवस्था तत्काल गर्न उल्लेख गरिएको छ। समितिको निर्देशन लगत्तै गृह मन्त्रालयले ७५ वटै जिल्ला प्रशासन कार्यालयमा परिपत्र गरी दलित समुदायलाई थर र गोत्रका आधारमा नागरिकता उपलव्ध गराउन निर्देशन दिएको छ।
त्यसका साथै यसअघि सरकार र दलित समुदायबीच दलितहरुको नागरिकतामा जात उल्लेख भएकाहरुको नागरिकता सच्चाई थर र गोत्र लेख्न दिने सहमति समेत कार्यन्वयन गर्न समितिले गृहलाई निर्देशन दिएको छ।

डीसी क्षेत्रमा ३० ईन्चसम्म हिउँ पर्न सक्ने

वासिंङटन डीसी मेट्रो क्षेत्रमा शुक्रबार अर्थात् फेव्रुअरी ५ तारिख विहान दश बजेदेखि पर्ने अनुमान गरेको हिउँ विहान साढे नौ बजेदेखि नै पर्न शुरु गरेको छ ।

स्थानीय ग्रोसरी स्टोरहरुमा विहानै छ बजेदेखि नै आफूहरुलाई चाहिने दैनिक अत्यावश्यक सामानहरुको जोहो गर्नेहरुको भीड १२ बजे दिउँसोसम्म पनि भीडभाड देखिन्थ्यो ।

स्थानीय पेट्रोलपम्पहरु -ग्याँसस्टेशन)मा गाडीमा तेल भर्नेहरुको भीड पनि उत्तिकै देखिन्थ्यो । स्थानीय सरकारी कार्यालयहरु समेत आकश्मिक विदा दिइएको छ भने अति आवश्यक सेवा गर्ने ठाउँहरुमा कर्मचारीका लागि नजिकैका होटलहरुमा बस्ने व्यवस्था मिलाइएका छन् । त्यसैगरी स्थानीय होटलहरुमा काम गर्नेहरुका लागि पनि होटलमै बस्ने व्यवस्था मिलाइएको छ ।

त्यसैगरी स्थानीय क्षेत्रका डल्लास, रोनाल्ड रेगन तथा बाल्टिमोरमा रहेका एयरपोर्टहरुमा विहानका सेवा सुचारु रुपमा चलेपनि दिउँसोदेखि उडानहरुमा अवरुद्द हुन थालेको छ र स्थानीय हवाइ सेवाले यात्रुहरुलाई एयरपोर्ट आउनुअघि आफ्नो उडानकाबारेमा जानकारी लिइमात्र एयरपोर्ट आउन आहृवान गरेको छ ।

आज फेरी हिउँ २० देखि ३० ईन्च सम्म पर्न सक्ने संभावनाहरु रहेको मौसमविद्हरुले जानकारी दिएका छन् । अहिले हल्का रुपमा झर्न थालेको भए पनि शुक्रबार साँझ ७ बजेदेखि शनिबार विहानसम्म अत्यधिक मात्रामा हिउँ झर्ने अनुमान रहेको स्थानीय एवीसी समाचारका मौसमविद्हरुले जानकारी दिएका छन् ।

आउने आइतबार भने घाम लाग्ने जानकारी गराइएको छ ।

नक्कली नागरिकता बनाउनेलाई कारागार

नक्कली नागरिकता बनाउने एक भारतीय र एक नेपालीलाई लमजुङ जिल्ला अदालतले जेल चलाएको छ ।
भारतको रक्सौल स्थायी घर भई गाउँसहरको रानीकुवा बस्दै आएका अवधेश दास र नागरिकता दिलाउने गाउँसहर गाविस-४ स्थायी घर भई हालसदरमुकाम बेसीसहरको शेरा बस्दै आएका समीराम दमैलाई जिल्ला न्यायाधीस अच्युतप्रसाद भण्डारीको एकल इजलासले जेल चलान गरेको हो ।
नाल्मा गाविस-९ मा बसाइँसराइ गरी दास र दमै दाजुभाइ नाता कायम गरेर दासले दमैका बाबु तुलबहादुर दमैको नामबाट बाबु नाता कायम गरी गत जेठ ६ गते नागरिकता लिएका थिए ।नक्कली नागरिकता बनाएको भन्दै जेठ २२ गते प्रहरीले पक्रेका दास र दमैले धरौटी तिर्न नसकेपछि साउन पहिलो सातादेखि उनीहरुलाई पुर्पक्षका लागि थुनामा राखिएको थियो ।अदालतले दासलाई एक वर्ष कैद र रु ५० हजार जरिवाना, दमैलाई ६ महिना कैद र रु २५ हजार जरिवानाका साथै नागरिकता बनाउन सनाखत गर्ने दमैका बाबु तुलबहादुर र नाल्मा गाविसका सचिव हितमान गुरुङलाई रु. १२ हजार ५०० जरिवाना तोकेको छ ।दासले नागरिकतामा जन्ममिति २०४५ साल ८ महिना १० गते कायम गरी ४५१०२६/८७०८ नम्बरको नागरिकता लिएका थिए ।दास र दमैबाट बरामद गरिएको नागरिकतालाई गृह मन्त्रालयले बदर गरिसकेको छ

माओवादीका तीन दाउ

सरकारले सेना समायोजन विशेष समितिमा शिविरमा रहेका लडाकुको व्यवस्थापन तथा समायोजनका लागि ठोस एजेन्डा पेश गरेपछि अत्तालिएको एकीकृत नेकपा माओवादीले संविधानसभाबाट राष्ट्रिय सुरक्षा नीति बनाएर मात्र लडाकु व्यवस्थापन गर्ने शर्त राखेपछि मुलुकमा जारी शान्ति प्रक्रिया धरापमा पर्ने खतरा बढेको छ।
संविधान निर्माणका लागि चार महिना पनि बाँकी नभएको अवस्थामा आएको शर्तले माओवादी तत्काल हतियार बिसाउन तयार नरहेको संकेत मिलेको छ। स्रोतका अनुसार, मुलुकमा प्रतिक्रान्तिको षड्यन्त्र भइरहेको र विदेशीहरु त्यसका लागि लागिपरेको निष्कर्ष निकाल्दै माओवादी तत्काल सेना समायोजन नगर्ने निष्कर्षमा पुगेको हो। पछिल्ला दिनमा माओवादीले संविधानसभाबाट संविधान निर्माण नभएसम्म लडाकुको समायोजन नगर्ने र त्यसका लागि राष्ट्रिय सुरक्षा नीति बनाएर मात्र सेना व्यवस्थापन तथा समायोजनको मुद्दा टुंग्याउने रणनीति बनाएको स्रोत बताउँछ।

सभासद्ले विधवालाई सडकमै लतारे

नेपालगन्ज, १९ माघ

आफूविरुद्ध　उजुरी दिएको झोकमा सभासद् बदशाह कुर्मीले असहाय विधवा निर्मला कुर्मीलाई मंगलबार सार्वजनिक स्थानमै लछारपछार र कुटपिट गरेका छन्　। स्थानीय मानवअधिकारकर्मीहरू पनि सो दृश्यका प्रत्यक्षदर्शी थिए, जसले टुलुटुलु हेर्नबाहेक केही गर्न सकेनन्　।

मंगलबार नेपालगन्ज आएका सभासद् कुर्मी न्याय पाउने आसमा जिल्ला प्रशासन कार्यालय धाइरहेकी निर्मलालाई खोज्न चार-पाँचजनाको समूह नै लिएर हिँडेका थिए　। साँझ ४ बजे भृकुटीनगरको प्रभात बोर्डिङ स्कुलनजिकै उनलाई देखेपछि कुर्मीले सिकार भेटेझैँ झम्टे　। उनले निर्मलामाथि जाइलाग्दै कुटपिट मात्र गरेनन्, अपहरण शैलीमा घिच्याएर आफ्नै घर पुर्‍याए　। प्रहरी गएर निर्मलाको उद्धार त गर्‍यो, तर सभासद्लाई छुने आँट गरेन　।

हतियार सहित भारतीय प्रहरी नेपाली भुमीमा /नयाँ तरिकाले सोच्छौं- माओवादी

नेपालमा राष्ट्रिय स्वाधिनताको आन्दोलन चलिरहेकै वेला भारतीय प्रहरी एसएसवीका जवानहरु हतियार सहित नेपाली भुमीमा प्रवेश गरेका छन् । मंगलवार विहान ११ बजे उनीहरु हतियार सहित नेपालको वहृमदेबजारमा प्रवेश गरेका हुन् । उनिहरुले नेपाल प्रवेश गरि माओवादीद्धारा प्रकाशित राष्ट्रिय स्वाधिनताको पोष्टर च्यातेर लगेका छन् । सुरुमा भारतीय प्रहरीले नेपाल प्रहरीलाई पोष्टर च्यात्न आग्रह गरेको र नेपाली प्रहरीले नमानेपछी उनिहरुले आफै पोष्टर च्यातेर लगेको स्थानियवासी तारा नेगीले बताए ।

उनीहरुले नेपालका सिमा स्तम्भ हेर्ने भन्दै नेपाल प्रवेश गरेपछी नेपालका प्रहरीले उनीहरुलाई बाटो देखाउदै लगेको स्थानियपासीले जानकारी दिएका छन् । सोही घटनाको विरोध गर्दै जनताहरुले वहृमदेव टनकपुर सिमा क्षेत्र तीन घण्टा वन्द गरेका छन् । एउटा सार्वभौम मुलुकमा हतियार सहित प्रवेश गरेका एसएसवीलाई कार्वाही गरिनुपर्ने भन्दै जनताहरुले नाकावन्दी गरेका हुन् । प्रवेशपछी त्याहाको जनजीवन आतंकित भएको छ ।

नेपालमा हतियार सहित प्रवेश गरेका एसएसवीलाई गिरफ्तार गर्नुको साटो संरक्षण गरेको भन्दै जनताहरु प्रहरीप्रति आक्रोशित भएका छन् । हतियार सहित भारतीय प्रंहरी जिल्लाकै दोधारा सुन्दरनगरमा प्रवेश गरेको महिना दिन वित्न नपाउदै भारतीय प्रहरी फेरी नेपाली भुमीमा प्रवेश गरेको हो । यसैबीच एकिकृत नेकपा माओवादीका ईन्चार्ज डिडि पाण्डेय सहितको टोलीले वुधवार नै सो क्षेत्रको निरिक्षण गरेको छ ।

ईन्चार्ज पाण्डेयले सो विषयमा आफ्नो पार्टी गम्भीर भएको र त्यसवारे नया तरिकाले सोचिने वताउनुभयो । उहाले पटक पटक यस्तो हुने गरेको र सरकारको लाचारीपनका कारण सो समस्या उत्पन्न भएको वताउनुभयो । प्रमुख जिल्ला अधिकारी बुद्धिबहादुर खड्काले हतियार सहित नेपाली भुमीमा प्रवेश गर्नु अन्तराष्ट्रिय कानुन विपरित भएको बताउनुभयो । उहाँले सीमा समस्या समाधानका लागि भारतीय पक्षसंग वार्ताको तयारी भैरहेका जानकारी दिँदै सीमामा भारतीय ज्यादती भएको स्वीकार गर्नुभयो ।

Cabinet approves President’s India visit

President Ram Baran Yadav

The Council of Ministers (CoM) has approved President Ram Baran Yadav’s three-day official visit to India- the first ever foreign visit of the first President of Nepal- scheduled to start from February 15.

A meeting of the CoM Wednesday approved the President’s India visit along with the members to be included in the visit. It has finalized a 27-member team to accompany the President to India.

The team will include tourism minister Sharat Singh Bhandari, secretary at the foreign ministry, secretary at the President’s office, the President’s advisors and representatives of state-owned media, Nepal Television, Rastriya Samachar Samiti and Department of Communications.

President Yadav will meet with Indian President Pratibha Patil and Prime Minister Manmohan Singh, among others during his India visit.

The President’s foreign visit had been delayed for some months as there was no functional Vice President to take over the former’s charge during his absence. Erstwhile Vice President Parmananda Jha was rendered defunct by a Supreme Court decision over the oath he took in Hindi.

However, less than two weeks before the President’s visit, the position of the Vice President is yet to be filled or made functional due to ongoing controversy.

The parliament has passed a resolution motion to reinstate Jha as President, but no further action has been taken.

During the meeting Wednesday, the cabinet also agreed on principle to observe Jestha 15 (by the Bikram Era), the day when monarchy was abolished and Nepal was declared a federal republic, as the National Day.

एसएसबीद्वारा नेपाली घर भत्काउन दवाव

भारतीय सीमा सुरक्षा बल (एसएसबी)ले इलामका नेपाल-भारत सीमावर्ती श्रीअन्तु-८ गुफापाताल नजिक नेपाली भूमीमा बनाइएका घरटहरा भत्काउन दवाव दिएको छ । ती नेपाली टहरा आफ्नो सीमा सुरक्षा पोष्ट नजिक रहेको भन्दै एसएसबीले भत्काउन दवाव दिएको हो ।

‘मेरै जग्गामा बनाएको घर टहरा दशगजा क्षेत्रमा परेको भन्दै भत्काउन दवाव दिइरहेका छन्,’ स्थानीय चन्द्रमान लिम्बुले भन्नुभयो, ‘आजै उठ, भोली उठ भन्छ, यस्तो दवावमा कसरी बस्नु ।’ दशगजा क्षेत्रमै भारतीय नागरिकले बनाएका घटहराबारे भने नेपाली अधिकारीहरुले पनि नबोलेको स्थानीयको गुनासो छ ।

‘नेपाली जमिन मिचेको कुरा गर्‍यो भने दुई देशबीचको कुरा हो, माथिको जे आदेश आउँछ त्यही गर्छौं भन्छन्,’ मिलन क्षेत्रीले भननुभयो । एसएसबीका अधिकारीहरुले नेपाली सुरक्षाकर्मीसँग पनि दुर्व्यवहार गर्ने गरेको इलाका प्रहरी कार्यालय पशुपतिनगरका प्रहरी निरीक्षक देवेन्द्र पाण्डेले स्वीकार गर्नुभयो ।

‘हामीलाई पनि हेप्न खोज्छन्,’ पाण्डेले भन्नुभयो, ‘सर्वसाधारणलाई नहेप्ने त कुरै भएन ।’ पूर्वी इलामको पशुपतिनगर क्षेत्रमा भारतीय पक्षबाट ज्यादती भइरहेको सीमा प्रशासन शाखाका प्रमुख यज्ञप्रसाद आचार्यले बताउनुभयो । ‘हामी निरीक्षणमा जाँदा ठिक्क पार्छन्, कोही नहुँदा स्थानीयबासीलाई धम्क्याउने र तर्साउने गर्छन्’ आचार्यले भन्नुभयो, ‘यो समस्या यथावत छ ।’ राजधानी दैनिकबाट

तराई आर्मीका प्रमुख सहित आत्मसमर्पण

प्रहरीको सर्वाधिक खोजिको सुचिमा रहेका भुमिगत सगठन तराई आर्मिका केन्दि्रय नेतासहित २ जनाले बुधबार जिल्ला प्रहरी कार्यालयमा हतियारसहित आत्मसमर्पण गरेका छन् । लामो समयदेखि चन्दा अपहरण तथा बम बिस्फोटमा सलग्न दुबैलाई राजनीतिक दलको पहलमा प्रहरीले आत्ममर्पण गराएको हो ।प्रहरीले ६ महिना भित्रमा रौतहटमा दुई दर्जन भन्दाबढि भुमिगत सगठनका नेता तथा कार्यकर्तालाई आत्मसमर्पण गराईसकेको छ । रौतहटको रघुनाथ पुर गाबिस घर भएका भुमिगत सगठन तराई आर्मिका केन्दि्रय अध्यक्ष सञ्जय साह (मिस्टर सागर) र केन्दि्रय सदस्य बलीरामदास तत्मा (मिस्टर बिशाल) ले आत्मसमर्पण गरेका हुन । उनीहरुले एक थान नलकटुला पेस्तोल, एक थान थि्रफिफि्टी पेस्तोल र एक थान देशी राईफल र ६ राउण्ड गोली सहित आत्मसमर्पण गरेको प्रहरी नायब उपरीक्षक गोबिन्द थपलियाले बताए ।स्थानीय सरमुजवा गाविसका मुखिया रामचन्द्र साह र मिठुअवा गाविसका सचिदानन्द साहको पहलमा उनीहरुले आत्मसमर्पण गरेको सचारकर्मीलाई बताए । तराई आर्मीका तत्कालिन केन्दि्रय मिस्टर जोन प्रहरी कारबाहीमा मारिए पछि केन्दि्रय कमाण्डको मोर्चा मिस्टर सागरले नै सम्हालेका थिए ।

श्रेष्ठलाई मानार्थ विद्यावारिधि

काठमाडौ। तत्कालीन राजा ज्ञानेन्द्र शाहको तानाशाहि व्यवस्थाका समयमा सहायकमन्त्री तथा नेपाल चेम्बर अफ कमर्सका अध्यक्षसमेत भइसक्नुभएका राजेशकाजी श्रेष्ठ भारतकै प्रख्यात अनुसन्धान संस्थाबाट मानार्थ विद्यावारिधिको पद्वीबाट सम्मानित हुनुभएको छ।
भारतको नयाँदिल्लीस्थित फरेन पोलिसी रिसर्च इन्स्टिच्यूटले नेपालको व्यापारिक क्षेत्रमा लामो समयदेखि नेतृत्वदायी पदमा रही आर्थिक गतिविधिका साथै दुई देशबीचको कूटनीतिक सम्बन्ध प्रबर्द्धनमा विशेष भूमिका निर्वाह गरेवापत अध्यक्ष श्रेष्ठलाई सो पदबाट सम्मानित गरिएको हो।
अन्तर्राष्ट्रिय चेम्बर अफ कमर्स नेपालका अध्यक्ष समेत रहेका श्रेष्ठलाई एक समारोहबीच
उक्त उपाधि प्रदान गरिएको छ।
सो अवसरमा भारतीय इन्स्टिच्यूटका अध्यक्ष एवम् सभासद् प्रा.डा. प्रसन्नकुमार पटासिनीले शान्ति स्थापना, आर्थिक प्रबर्द्धन र कुटनीतिक क्षेत्रमा महत्वपूर्ण भूमिका निर्वाह गर्ने संयुक्त राष्ट्रसङ्घसम्बद्ध राष्ट्रका विशिष्ट व्यक्तित्वलाई यस किसिमको मानार्थ विद्यावारिधिबाट सम्मानित गर्ने संस्थाको नीति रहेको स्पष्ट पार्नुभयो।
सम्मानित व्यक्तित्व अध्यक्ष श्रेष्ठले उद्योग वाणिज्य तथा व्यापार प्रबर्द्धन क्षेत्रमा निरन्तर लागिपरेको बताउँदै प्राप्त सम्मानबाट आफूमा थपिएको जिम्मेवारी पूरा गर्ने प्रतिबद्धता व्यक्त गर्नुभयो।
सो संस्थाका कार्यकारी निर्देशक डा. जेके पटेलले भारतसँग विभिन्न देशको कुटनीतिक सम्बन्ध अभिवृद्धि गर्ने उद्देश्यले सन् १९९१ मा स्थापना गरिएको सो संस्थाले आफ्ना देशका साथै बाहिरी मुलुकका नीति निर्माणकर्तालाई पनि प्रत्यक्ष तथा अप्रत्यक्षरुपमा सहयोग पुर्‍याउँदै आएको बताउनुभयो

युएईको अदालत परिसरमै नेपालीको हत्या

युएईको अबुधावीस्थित बदजायदमा एक ईजिप्सीयन नागरिकले दुई नेपालीलाई छुरा प्रहार गरी हत्या गरेकोछ । स्याङ्जा जिल्ला निवासी रेशम कुँवरलाई बदजायदको अदालत परिसरमै लखेटी लखेटी छुरा प्रहार गरी मारिएको थियो भने शिव बस्नेतको उनकै कोठामा हत्या गरिएको थियो । मृतक बस्नेतको नेपालको ठेगना थाह हुन सकेको छैन ।
सुरेश गुररुङले दिएको जानकारी अनुसार मृतकहरु बदाजायदको एडनोक क्वलमा कार्यरत रहेका थिए । गएको ६र७ महिना अगाडि मृतक कुवँर र ईजिप्सीयन बीच झगडा हुँदा कुँवरको एउटा आखा फुटेको थियो । ईजिप्सीयनले ३० हजार दिर्हाम्स ९करीव ६ लाख नेपाली० दिन्छु अदालतमा मुद्धा दायर नगर भन्दा कुँवरले अदालतमा मुद्धा दायर गरेका थिए । अदालतले ईजिप्सीयनलाई तीन महिनाको जेल सजयाँ समेत दिई हालै मात्र जेलवाट रिहा भएको थियो । गत मँगलवार अदालतले पुनः दुबै पक्षलाई मिलापत्रको लागि अदालतमा बोलाएको थियो ।
मँगलवार बिहान कम्पनीको आवास गृहमा नेपालीलाई खोज्दै हिँडेका ईजिप्सीयनले कोठामा एक्लै सुतेका बस्नेतको हत्या गरेको थियो । ईजिप्सीयन र नेपालीको झगडामा भने मृतक बस्नेत सँलग्न नरहेको समेत जानकारी प्राप्त भएकोछ । बस्नेतको हत्यापछि अदालतमा पुगेका ईजिप्सीयनले कुँवरलाई भेटी छुरा प्रहार गरेको तर घाईते कुँवर भाग्न सफल भएपनि ईजिप्सीयनले लखेट्दै पुनः छुरा प्रहार गरी हत्या गरेका थिए ।
युएईस्थित नेपाली महामहिम राजदूत अर्जुनवहादुर थापाका अनुसार घटना बारे दूतावासलाई जानकारी भईसकेको र घटना बिबरण लिन दूतावासका कर्मचारी खटाई सकिएको जानकारी प्राप्त भएकोछ

साउदी अरब बाट ३ नेपाली चेली स्वदेश फर्किदै

पूर्ण बिक पहाडी
नेपाली दुताबास साउदी अरबको पहल साउदी अरबमा रहेका संघ सस्था लगाएत मिडियाहरुको आर्थिक सहयोगमा केहि समय देखी दुताबासको सरणमा रहेका झापा चन्द्रगढीका रेनुका तामाङ्ग उहाँको सहि नाम सुनिता तामाङ्ग अर्को नामको पास्र्पोट आएको नेपाली दुताबासले जनाएको छ अर्का झापा ज्यामिरगढी घर भएकि निरु गुरुङ्ग त्यस्तै मोरङ्ग घर भए कि हिमा बि.क मंगलबार दिनको १.३० मा कतार एयर बाट काठमाण्डौ पुग्ने जनाएको छ